Connect with us

Lajme

Bashkëthemeluesi i Nismës, Muharrem Kuçi jep dorëheqje nga kjo parti

Published

on

Schengen Visa

Bashkëthemeluesi i Nismës Socialdemokrate, Muharrem Kuçi, ka dhënë dorëheqje nga kjo parti.

Kuçi i cili ishte zv/ministër i Shëndetësisë, ka thënë se dorëheqje ka dhënë për shkak të pakënaqësive dhe zhgënjimit për zhvillimet destruktive në Qeveri dhe në Nisma, si dhe mungesën e seriozitetit në shtyrjen përpara të reformave në shëndetësi, transmeton KlinaPress.

Kuçi, në shkrimin e bërë në Facebook ka thënë se ai ishte angazhuar në politikë për të ndihmuar në reforma jo vetëm në shëndetësi por në të gjitha lëmit tjera të rëndësishme të vendit.

KESCO

“Të nderuar anëtar , aktivistë dhe qytetarë dua të ju njoftoj dorëheqjen dhe largimin tim nga subjekti Nisma Socialdemokrate, ku unë dhashë një kontribut në këtë subjekt për tu bërë subjekt i vlerave dhe i vendimeve të drejta në të mirë të vendit e jo pjesë e abuzimit me aktivitetin e njerëzve të mirë dhe aktivistëve të pandalshëm.

Ky abuzim mori përmasa shqetësuese sidomos pas bërjes pjesë e pushtetit ku u harruan njerëz meritor dhe përfituan ata jo meritor!
Është për tu çuditur metamorfoza e pësuar e kryesuesve të subjektit nga 2014 nga deklaratat përbuzëse dhe nënçmuese për personalitete të caktuara nga partitë tjera politike , ata tani Nismën e bëjnë pjesë të kalkulimeve për mbijetesë po me këta politikanë, alamet njerëz të fjalës dhe mbajtjes së parimeve”, ka thënë Kuçi.

Shkrimi i plotë:

Të nderuar anëtar dhe aktivist të Nisma Socialdemokrate, të nderuar qytetarë!

Angazhimin tim në themelimin e subjektit Nisma për Kosovën e pranova përkundër obligimeve të shumta profesionale si i punësuar në një Klinik me renome në Zvicër (Hirslanden Klinik) dhe me një përvoje 25 vjeçare, i bindur shumë që iniciatorët për formimin e këtij subjekti të ri e kishin me gjithë mend një politikbërje ndryshe.

Në zgjedhjet e para ne 2014 arritëm të bëhemi parti parlamentare ku në vazhdim luajtëm një rol shumë pozitiv opozitar.

Në zgjedhjet parlamentare në 2017 në qeverinë e dalë nga këto zgjedhje unë pranove postin e Zv. Ministrit të Shëndetësisë i bindur që subjekti Nisma dhe koalicioni qeverisë në përgjithësi do ta kenë prioritet edhe shëndetësinë ku unë isha i bindur se do të ndihmoja në implementimin e shumë reformave në Shëndetësi , pasi përvoja ime në këtë fushë shkonte në dobi të këtyre reformave.

Në shenjë pakënaqësie dhe zhgënjimit për zhvillimet destruktive në qeveri dhe në Nisma si edhe mungesën e seriozitetit në shtyrjen përpara të këtyre reformave në shëndetësi , si i vetmi Zv.ministër dhashë dorëheqje të parevokueshme në gusht 2018!

Meqë jemi në prag të fushatës për zgjedhjet e parakohshme dhe vazhdimisht po marrë shumë thirrje dhe pyetje në lidhje me kandidimin tim për deputet nga Nisma Socialdemokrate e ndjejë të nevojshme të ju informoj se as nuk jam kandidat dhe as nuk do të mbështes më një subjekt si NISMA Socialdemokrate që përbuz mundin dhe angazhimin e njerëzve të përkushtuar për subjektin.

Shumë miq me patën pyetur atëherë kur pranova të angazhohem në politikë se pse po e bënë këtë hap, pastaj pse po pranon këtë post si Zv.minister i Shëndetësisë?

Përgjigjja ime ishte dhe do të jetë se kuadrat nga Diaspora janë gjithmonë të gatshme për të ndihmuar në Reforma jo vetëm në Shëndetësi por në te gjitha lëmit tjera të rëndësishme për vendin .

Shumë shpejtë e vërejta se edhe Subjekti politik Nisma përkundër trumbetimit dhe propagandimit për gjëja hapësirën që u krijon kuadrove të përgatitura, me politiken e tyre partiake të brendshme nuk i përfillin profesionalistët dhe kuadrot e përgjegjshme të cilët janë të gatshme të veprojnë në fushat ku ata tashmë me ekspertizën e tyre janë të njohur dhe të respektuar kudo ku janë, Kryesuesit e Partisë kanë prioritete dhe agjenda tjera personale.

Të nderuar anëtar , aktivistë dhe qytetarë dua të ju njoftoj dorëheqjen dhe largimin tim nga subjekti Nisma Socialdemokrate, ku unë dhashë një kontribut në këtë subjekt për tu bërë subjekt i vlerave dhe i vendimeve të drejta në të mirë të vendit e jo pjesë e abuzimit me aktivitetin e njerëzve të mirë dhe aktivistëve të pandalshëm.

Ky abuzim mori përmasa shqetësuese sidomos pas bërjes pjesë e pushtetit ku u harruan njerëz meritor dhe përfituan ata jo meritor!
Është për tu çuditur metamorfoza e pësuar e kryesuesve të subjektit nga 2014 nga deklaratat përbuzëse dhe nënçmuese për personalitete të caktuara nga partitë tjera politike , ata tani Nismën e bëjnë pjesë të kalkulimeve për mbijetesë po me këta politikanë, alamet njerëz të fjalës dhe mbajtjes së parimeve!

Unë tani më i jam kthyer jetës time profesionale atje ku veproj dhe për fat të keq çmohem shumë më shumë se nga ata që plotë gojën e kanë për angazhimin kuadrove të përgatitura nga institucionet evropiane, fatkeqësisht këta janë pengesa e kyçjes së kuadrove të nevojshme në subjekte politike dhe institucione, sepse ata i frikësohen dijes së të diturve.

Reforma në Arsim, Shëndetësi nuk bëhen me klane, por me njerëz që e zotërojnë lëmine e tyre dhe nuk kanë kurrfarë ngarkesa tjera si mbrojtje interesash të këtyre individëve të pangopur mbas tenderëve dhe përfitimeve personale.

Të nderuar anëtar dhe aktivist të Nisma Socialdemokrate dhe ju qytetar të nderuar edhe njëherë dua t’ju falënderoj nga zëmra për mbështetjen që më keni dhënë këto 5 vjet aktivitet.

Në Nisma kam përfituar shumë miq që nga unë do kenë respektin dhe konsideratën më te madhe sidomos nga sot.

Gjatë kësaj kohe për fat të keq kam përjetuar zhgënjimin më për së afërmi për disa figura kryesore të Nismës që po të mos i kisha përjetuar përse afërmi nuk do të kisha besuar kurrë se mund të veprojnë në atë mënyrë siç vepruan dhe vazhdojnë të veprojnë!

Kam pas shumë dëshirë që të ruaj një imazh tjetër që kisha për ta dikur, por tani më këto figura më janë zbehur shumë.

Si Bashkëthemelues i Nismës Socialdemokrate unë jam angazhuar që ky subjekt të bëhet një subjekt i mirëfilltë socialdemokrat e jo ky subjekt që është sot!

Unë ndihem mirë që në çdo periudhë dhe çdo kohë kam kryer obligimin tim ndaj atdheut sepse për mua atdheu është mbi të gjitha.

Më vjen keq që këta individ të politikbërjes aktuale aq të zbehtë duken para atyre mijëra njerëzve qe gjithherë kanë dhëne për vendin dhe vazhdojnë të japin,por që s’kanë kërkuar asgjë me shumë për vete veç se që vendi të zhvillohet ashtu që ne të jemi krenar me atdheun tonë dhe jo të përjetojmë ikjet dhe braktisjet e vendit që po ndodhin pa u ndalur!

Ju uroj  gjitha të mirat atyre me të cilët kam pasur vazhdimisht qaste të mira në shumë aktivitete, uroj të takohemi veç për të mirë”.

Kujtojmë që së fundi Nismën e ka braktisur edhe Shyqyri Bytyqi, i cili ishte ministër i Ministrisë së Arsimit, Shkencës dhe Teknologjisë./KlinaPress/