Connect with us

Lajme

Ekspertët thonë se me publikimin e aktakuzës ndaj Thaçit dhe Veselit është shkelur rregullorja e punës së Gjykatës Speciale

Published

on

GorenjeKosova

Të mërkurën më 24 qershor, Zyra e Prokurorit të Specializuar (ZPS) në Hagë ka njoftuar se më 24 prill i ka paraqitur për shqyrtim një aktakuzë gjykatësit të Dhomave të Specializuara të Kosovës (DHSK) ku pretendohet se Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje.

“Më 24 prill 2020, Zyra e Prokurorit të Specializuar u paraqiti Dhomave të Specializuara të Kosovës një aktakuzë me dhjetë pika për shqyrtim prej Gjykatës, ku Hashim Thaçi, Kadri Veseli dhe të tjerë akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura”, thuhet në njoftim.

Por për t’u shndërruar këto pretendime në aktakuzë të konfirmuar, një gjykatës i procedurës paraprake i DHSK-së është duke e shqyrtuar atë për të vendosur nëse do t’i konfirmojë akuzat apo jo. Afati nga kur pritet të merret ky vendim është jo më shumë se 6 muaj nga afati i dorëzimit, në këtë rast 6 muaj nga 24 prilli.

KESCO

Me t’u bërë publik ky lajm, kishte shumë reagime e hipoteza nga faktorë të brendshëm e të jashtëm.

Për Bodo Weber, analist nga Berlini, njohës i zhvillimeve në Ballkan, publikimi i aktakuzës së Prokurorisë Speciale ndaj presidentit të Kosovës, Hashim Thaçi, ka qenë një gjë “e pritshme dhe e papritshme”.