Connect with us

Lajme

Haradinaj pranon letër nga Clinton e cila e falenderon për dërgimin pullës postare të punuar me imazhin e saj

Published

on

Korporata Energjetike e Kosovës Banners

Kryeministri në detyrë, Ramush Haradinaj, ka pranuar letër falënderimi nga ish sekretarja e shtetit amerikan, Hillary Clinton, për organizimin e 20- vjetorit të hyrjes së forcave të NATO-s në Kosovë.

Haradinaj në një postim në llogarinë e tij në Facebook ka shkruar se Clinton, përmes kësaj letre shpreh falënderimin e posaçëm për dërgimin e pullës postare të punuar me imazhin e saj.

Ai ka thënë se ndihet lumtur për vlerësimin e ish sekretares Clinton rreth udhëheqjes së tij si kryeministër.

KESCO

“Jashtëzakonisht i nderuar të pranoj letër falënderimi nga ish sekretarja e shtetit amerikan, Hillary Clinton, për organizimin e 20- vjetorit të hyrjes së forcave të NATO-s në Kosovë, dhe pamundësinë që ajo të ishte e pranishme në këtë ngjarje të rëndësishme. Ish sekretarja Clinton u rreshtua në të drejtën tonë për liri. Sot, dhe përgjithmonë ajo mbetet mikja dhe aleatja jonë më e veçantë. Clinton, përmes kësaj letre shpreh falënderimin e posaçëm për dërgimin e pullës postare të punuar me imazhin e saj. Ndihem i lumtur për vlerësimin e ish sekretares Clinton rreth udhëheqjes sime si kryeministër, gjithmonë në përpjekje për të ndërtuar një të ardhme prosperuese për popullin e vendit tim”, ka shkruar Haradinaj./KlinaPress/