Interi mposht PSG-në me anë të penalltive në një miqësore luksi në Kinë

Interi ka fituar pas penalltive ndaj Paris Saint-Germain me rezultat 6-5 pasi koha e rregullt përfundoi baras 1-1.   

Skuadra e Antonio Contes e ka gjetur fitoren pas dy humbje radhazi në ndeshjet para-sezonale, duke e mposhtur kampionin francezë në ndeshjen e zhvilluar në Kinë.

Pjesa e parë e ndeshjes miqësore u karakterizua me lojë të barabartë dhe raste nga të dyja skuadrat, por vetëm PSG-ja arriti të gjej golin.

Goli i vetëm në këtë pjesë erdhi në minutën e 41-të dhe ishte mbrojtësi Thilo Kehrer, i cili shënoi për 1-0.

U desh të priteshin minutat shtesë për të parë golin e barazimit 1-1 të shënuar nga sulmuesi Samuel Longo, i cili vulosi rezultatin përfundimtar.