Connect with us

Lajme

Ministri i Mbrojtjes Anton Quni viziton ushtarët e Kosovës –gati për t’u përballur me Koronavirusin

Published

on

ART MOTION

Ushtria e Kosovës është gati që të përballet me Koronavirusin në atë mënyrë që sa më shumë të parandaloj përhapjen e tij.

E ministri i Mbrojtjes, Anton Quni, bashkë me Komandantin e FSK-së, gjenerallejtënant Rrahman Ramën e Shefin e Stafit të SHP të FSK-së gjeneralbrigade Jeton Dreshajn vizituan Qendrën Operacionale të FSK-së, shruan gazeta inFokus.

“Pas situates së krijuar nga pandemia e COVID-19, Forca e Sigurisë së Kosovës ka ngritur nivelin e gatishmërisë operacionale për mbështetje ushtarake të autoriteteve civile. Me qëllim të informimit sa më të afërt, sot në kazermat “Adem Jashari” në Prishtinë dhe në Pomazatin, Ministri i Mbrojtjes Anton Quni i shoqëruar nga Komandanti i FSK-së , gjenerallejtnant Rrahman Rama dhe Shefi i Stafit të SHP të FSK-së gjeneralbrigade Jeton Dreshaj, ka vizituar Qendrën Operacionale të Shtabit të Përgjithshëm të FSK-së dhe njësitet e angazhuara në Forcën për Detyrë si njësitë për mbështetje logjistike, mbështetje mjekësore, xheniere, mbrojtjes kimike, atomike dhe biologjike, policisë ushtarake, operacioneve civile dhe komunikimit”, thuhet në një njoftim të Ministrisë së Mbrojtjes.

KESCO

E aty janë njoftuar nga oficerët përgjegjës për planin e gatishmërisë, veprimet e kapacitetet, shkruan gazeta inFokus.

“Nga ana e oficerëve përgjegjës të qendrës operative dhe njësive përkatëse, Ministri Quni u njoftua me planin e gatishmërisë, veprimet e deritashme si dhe kapacitetet njerëzore specialistike, profesionale, teknike, materiale dhe mbështetjes logjistike të Forcës për Detyrë, të cilat janë vënë në gatishmëri për veprim përballë situatës së krijuar.

Ministri Quni shprehu vlerësimin e lartë për nivelin e gatishmërisë së FSK-së për reagim, me besimin e plotë se FSK edhe në këto rethana të jashtëzakonshme do të arrijë me sukses të përmbushë detyrën kushtetuese dhe ligjore në mbështetje ushtarake të autoriteteve civile dhe qytetarëve tanë”./Gazeta inFokus/