Connect with us

Lajme

Osmani: Do të jemi të bashkuar sot, nuk do të ua bëjmë qefin tyre që duan të na shohin copa

Published

on

SIGMA Banners

Delegatja e Lidhjes Demokratike të Kosovës, Vjosa Osmani, është deklaruar para fillimit të Kuvendit Zgjedhor.

Ajo para mediave ka thënë se të gjithë delegatët e LDK-së duhet të jenë të bashkuar.

“Të gjitha përpjekjet e mija do të jeni që të jemi të bashkuar sot, dhe nuk do të ua bëjmë qefin atyre që duan të na shohin copa”, ka thënë Osmani para mediave, transmeton Telegrafi.

KESCO

E pyetur se a do të jetë kandidate e mundshme e partisë për kryeministre në zgjedhjet e ardhshme, ajo ka thënë se nuk do të kërkojë asnjë pozitë.

“Vendimet për Qeverinë e ardhshme, do të ndërmerren kur të zgjedhën strukturat e partisë”, pohoi ajo.

Osmani tha se strukturat e reja të Lidhjes Demokratike duhet të bëjnë ndryshime.

“Shpresoj që angazhimi i të gjitha delegatëve të jetë drejt bashkimit, sepse bashkë jemi fitues ndërsa të ndarë ua sigurojmë fitoren kundërshtarëve”, deklaroi Osmani.

Kuvendi i Nëntë Zgjedhor i Lidhjes Demorkatike të Kosovës, pritet të fillojë pas pak minutash. Gjithsej Lidhja Demokratike e Kosovës ka 355 delegatë.

Theksojmë se Isa Mustafa është duke udhëhequr partinë që nga viti 2010.

Ndryshe, Kuvendi i Nëntë Zgjedhor i LDK-së do të jetë i mbyllur për media./KlinaPress/