Connect with us

Lajme

Përfundon rruga e re që do të lidhë Ulqinin me Shqipërinë

Published

on

PEX HOST 728×90

Ka përfunduar së ndërtuari rruga Kryth-Ulqin 13.5 kilometër e gjatë që lidh Ulqinin me Shqipërinë, pikërisht me pikëkalimin e përbashkët Muriqan-Sukobinë. Ndërkohë që pjesa e tjetër e rrugës nga fshati Kryth deri në Sukobinë ka përfunduar më herët. Kështu që rruga nga Ulqini deri në pikë-kalimin kufitar Muriqan-Sukobinë rreth 25 kilometër e gjatë tashmë është krejtësisht funksionale.

Kryeministri malazez, Dushko Markoviq, vizitoi rrugën më të re nga Ulqini në pikën kufitare me Shqipërinë, Sukobinë – Muriqan. Markoviqi, në urën e re të Klleznës, u prit nga kryetari i Komunës së Ulqinit, Loro Nrekiq, ministri për të Drejtat e Pakicave në Mal të Zi, Mehmet Zenka, përfaqësues të partive politike e banorë të zonës, shkruan sot “Koha Ditore”.

Kryeministri malazez vlerësoi punimet e kryera në këtë segment rrugor që ka kushtuar 12 milionë euro, i cili, sipas tij, ka një rëndësi të madhe për popullatën e kësaj zone, por edhe për Komunën e Ulqinit, pasi krijon një lidhje më të mirë me Shqipërinë, gjë që përmirëson jetën e qytetarëve që jetojnë atje dhe qasjen e turistëve për në Malin e Zi./KlinaPress/

KESCO