Connect with us

Lajme

Tri qeveri kaluan shifrën prej 1000 ditëve, njëra jo – cila qeveri ishte më jetëshkurtër, që nga shpallja e Pavarësisë

Published

on

Pex Host Big

Instituti Demokraci për Zhvillim (D4D) ka publikuar një raport në vitin 2018 për paqëndrueshmëritë e qeverive në Republikën e Kosovës.

Sipas D4D, studimi ka trajtuar tri fusha shqetësuese për zhvillimin demokratik të Kosovës: stabilitetin dhe kohëzgjatjen e qeverive, paqëndrueshmërinë zgjedhore dhe kohëzgjatjen e proceseve përfshirë negocimin dhe formimin e koalicioneve qeverisëse pas zgjedhjeve.

“Asnjë qeveri që nga shpallja e pavarësisë së Kosovës në vitin 2008 nuk e ka përfunduar asnjë mandat të plotë (4 vjeçar) në detyrë siç parashihet me Kushtetutën e Republikës së Kosovës”, thuhet në njoftimin e D4D.

KESCO

Ndërsa në inforgrafikën e realizuar nga D4D prezantohet jetëgjatësia e qeverive në Kosovë që nga viti 2008.

Sipas kësaj infografike, Qeveria me kohëzgjatjen më të madhe ka qenë ajo 2011-2014 me kryeministër Hashim Thaçin. Kjo qeveri ka zgjatur 1387 ditë.

Pastaj është Qeveria e vitit 2008-2011 me kryeministër Hashim Thaçi e cila ka zgjatur 1141 ditë.

Më pas Qeveria Mustafa e vitit 2014-2017 e cila ka zgjatur 1006 ditë.

Dhe Qeveria më e shkurtër është ajo e Haradinajt, 2017-2019 e cila ka zgjatur 678 ditë.

Raportin e plotë për paqëndrueshmërinë e qeverive mund ta gjeni në këtë LINK./KlinaPress/