Connect with us

Lajme

Veseli pranon të takohet me Kurtin, i shkruan letër i shqetësuar

Published

on

SIGMA Banners

Lideri i Partisë Demokratike të Kosovës (PDK), Kadri Veseli ia ka kthyer letrën kryeministrit të vendit, Albin Kurti i cili para dy ditëve e ka ftuar për takim.

Në letër, Veseli citohet t’i ketë thënë se e mirëpret ta takojë atë në selinë e PDK-së për të diskutuar për fuqizimin e pozicionit të Kosovës përballë Serbisë, por ka shprehur shqetësime për qëndrimet anti-amerikane të tij.

“Shpreh shqetësimin tim me mungesën e qëndrimeve tuaja të qarta dhe të paqëndrushme përballë Serbisë dhe kursit konfrontues me aleatin tonë strategjik – Shtetet e Bashkuara të Amerikës”, thuhet ndër të tjera në letrën e liderit të PDK-së drejtuar kryeministrit.

KESCO

I pari i PDK-së thotë se çështjet për të cilat Kurti ka kërkuar t’i bisedojë me të e kanë vendin për debat në Kuvend.

Tutje ai shton se është i gatshëm ta pres kryeministrin në selinë e PDK-së sepse Kosova, jo vetëm sot, por edhe më parë, ka pasur dhe ka nevojën e dakordimeve të spektrit politik, sidomos për çështjet e rëndësisë nacionale.

“Por, të ftosh në takim konsultues dhe nga ana tjetër të marrësh në të njëjtën ditë vendime të njëanshme, kjo nuk i ndihmon nevojës së konsensusit nacional për temat që më keni ftuar në takim. Edhe njëherë, për hir të transparencës, edhe për hir të respektimit të hierarkisë institucionale, çështjet që keni kërkuar t’i flasim, si programi qeverisës, sfidat në shtetndërtimin demokratik, zhvillimi socio-ekonomik, konsideroj se e kanë vendin për debat në Kuvendin e Republikës së Kosovës. Ndërsa, për tema të tjera, si politika e jashtme dhe se si ta forcojmë Kosovën përballë Serbisë, është i domosdoshëm bashkëpunimi dhe konsensusi nacional. Jam i gatshëm në çdo kohë t’ju pres në selinë e Partisë Demokratike të Kosovës, kurdo që ju të keni dëshirë për takim. Por po ashtu, edhe unë, në çdo iniciativë që do të ndërmarr në interes të vendit, do të ju drejtohem dhe vij për takim me Ju si kryeministër në Qeverinë e Republikës së Kosovës”, thuhet në letrën e Veselit./GazetaSinjali/